იაპონიაში „კოვიდ 19“-ით ბოლო 24 საათში 415 ადამიანი დაიღუპა, რაც რეკორდულად მაღალი მაჩვენებელია. ინფორმაციას სააგენტო „როიტერი“ ქვეყნის ჯანდაცვის სამინისტროზე დაყრდნობით ავრცელებს.
გასული ბოლო 24 საათის განმავლობაში იაპონიაში ვირუსის 216 219 დადასტურებული შემთხვევა გამოვლინდა, რაც გასული კვირის მაჩვენებელთან შედარებით ოთხი პროცენტით მაღალია.
„როიტერის“ ცნობით, ბოლო ერთი კვირის განმავლობაში იაპონიაში „კოვიდ 19“-ის შემთხვევების რეკორდულად მაღალი მაჩვენებელი ფიქსირდება.
