უკრაინის ხელისუფლების ცნობით, რუსეთმა ხარკოვის ოლქში მდებარე სასურსათო ბაზარი დაბომბა. შედეგად, დაიღუპა ერთი ადამიანი, რამდენიმე კი დაშავდა.
როგორც უკრაინის პრეზიდენტის ოფისის ხელმძღვანელის მოადგილე კირილ ტიმოშენკო იუწყება, რუსეთის არმიამ ხარკოვის ოლქი „ეს-300“ ტიპის რაკეტებით დაბომბა.
ადგილზე მუშაობენ საგანგებო სამსახურების თანამშრომლები. ხელისუფლება არ გამორიცხავს, რომ ნანგრევებში შეიძლება, ადამიანები იმყოფებოდნენ. გრძელდება სამაშველო ოპერაცია.
