რუსეთსა და ოკუპირებულ აფხაზეთს შორის დღეს, პირველ მაისს, 30 წლის შემდეგ პირველად, პირდაპირი რეგულარული ფრენები განახლდება. ამის შესახებ ინფორმაციას რუსული მედია ავრცელებს.
მათი ცნობით, პირველ რეისს ავიაკომპანია „იუევტი აერო” ვნუკოვო-სოხუმის მიმართულებით შეასრულებს. მათივე ცნობით, პირველი ავიარეისი 3 მაისს უნდა შესრულებულიყო, თუმცა გაზრდილი მოთხოვნის გამო ავიაკომპანიამ გადაწყვიტა, პირველ მაისს დამატებითი რეისი დაენიშნა.
სოხუმის მიმართულებით ავიარეისებს ასევე შეასრულებს ავიაკომპანია „აიფლაი” მოსკოვიდან და „ნორდსტარი” მოსკოვიდან და კრასნოიარსკიდან.
