პოლიტიკა

სერგეი რიაბკოვი აცხადებს, რომ ბირთვული დაპირისპირების რისკი ათწლეულების განმავლობაში ყველაზე მაღალია

რუსეთის საგარეო საქმეთა მინისტრის მოადგილე სერგეი რიაბკოვი აცხადებს, რომ ბირთვული დაპირისპირების რისკი ათწლეულების განმავლობაში ყველაზე მაღალია.

აღნიშნულის შესახებ რიაბკოვმა განაცხადა დისკუსიის დროს სიტყვით გამოსვლისას, რომლის სახელწოდებაა „მსოფლიო სტრატეგიული შეიარაღების შემცირების შეთანხმების გარეშე: რა არის შემდეგ?“

„როიტერის“ ცნობით, რიაბკოვმა აღნიშნა, რომ უკრაინის გამო მოსკოვი ვაშინგტონთან, ფაქტობრივად, ღია კონფლიქტის პირობებში იმყოფება და რუსეთის მიმართ აშშ-ის მტრული კურსი გააკრიტიკა.

ღონისძიებაზე გამოსვლისას რიაბკოვმა განაცხადა, რომ რუსეთის მიერ სტრატეგიული შეიარაღების შემცირების შეთანხმების აღდგენაზე საუბარიც არ არის.

„მე არ ვისურვებდი, დღეს ჩავუღრმავდე დისკუსიას, მაღალია თუ არა ბირთვული კონფლიქტის რისკი, თუმცა ის იმაზე მაღალია, ვიდრე ბოლო ათწლეულებში ყოფილა“, – განაცხადა რუსმა დიპლომატმა.

რუსეთი აშშ-თან მოქმედი სტრატეგიული შეიარაღების შემცირების შეთანხმებიდან თებერვალში გავიდა.

ასევე ნახეთ

ვლადიმერ პუტინი თავდაცვის მინისტრს, სერგეი შოიგუს ანდრეი ბელოუსოვით ჩაანაცვლებს

რუსული მედიის მიერ გავრცელებული ინფორმაციით, რუსეთის პრეზიდენტი ვლადიმერ პუტინი თავდაცვის მინისტრს, სერგეი შოიგუს ანდრეი ბელოუსოვით …

ჩანთების ონლაინ მაღაზია