პოლიტიკა

სოციალურ მედიაში ქალაქ კუპიანსკის შესასვლელთან მდგარი უკრაინელი ჯარისკაცების ფოტო ვრცელდება

სოციალურ მედიაში ვრცელდება ფოტო, სადაც ჩანს, რომ ქალაქ კუპიანსკის შესასვლელთან უკრაინელი ჯარისკაცები დგანან და ხელში უკრაინის სახელმწიფო დროშა უჭირავთ.

ცნობილია, რომ უკრაინული ძალები დროებით ოკუპირებული ქალაქის დასაბრუნებლად წინ მიიწევენ. აშშ-ის „ომის შემსწავლელმა ინსტიტუტმა“ დღეს გამოქვეყნებულ ანგარიშში აღნიშნა, რომ უკრაინა, სავარაუდოდ, 72 საათში დაიბრუნებს ქალაქს, რაც სერიოზულად შეაფერხებს რუსეთის საკომუნიკაციო ხაზებს ადგილზე.

კუპიანსკი ხარკოვის ოლქში რუსული ძალების მთავარ ლოგისტიკურ კვანძს წარმოადგენს.

ასევე ნახეთ

უკრაინის პრეზიდენტი, ვოლოდიმირ ზელენსკი ამერიკის შეერთებულ შტატებს ესტუმრა

უკრაინის პრეზიდენტი, ვოლოდიმირ ზელენსკი ამერიკის შეერთებულ შტატებში ჩავიდა, – მან ამის შესახებ თავად დაწერა სოციალურ …