უკრაინის ჯარმა უკან დაიხია და ქალაქი ლისიჩანსკი დატოვა.
“უკრაინელი დამცველების სიცოცხლის გადასარჩენად, მივიღეთ გადაწყვეტილება უკან დახევის შესახებ. სამწუხაროდ, მტკიცე ნება და პატრიოტიზმი წარმატებისთვის საკმარისი არ არის – საჭიროა მატერიალური და ტექნიკური რესურსები” – ნათქვამია უკრაინის შეიარაღებული ძალების განცხადებაში.
რუსეთის საოკუპაციო ძალები პოზიციებს ამაგრებენ ლისიჩანსკში და ამზადებენ შეტევას სლავიანსკის მიმართულებაზე, – ამის შესახებ აღნიშნულია უკრაინის არმიის გენშტაბის ანგარიშში.
