როგორც რუსეთის ბელგოროდის ოლქის გუბერნატორმა, ვიაჩესლავ გლადკოვმა განაცხადა, ბელგოროდში რკინიგზის სადგურის დაბომბვის შედეგად ერთი ადამიანი დაშავდა.
„ბელგოროდის რაიონის ერთ-ერთ სოფელში, რკინიგზის სადგურის ტერიტორიას ჭურვები მოხვდა. დაშავებულია მამაკაცი. მას საჭირო სამედიცინო დახმარება უტარდება. დაზიანებულია რკინიგზის ლიანდაგის საკონტაქტო ქსელი. მატარებლის მოძრაობა დროებით შეჩერებულია“, – წერს გუბერნატორი „ტელეგრამზე“.
