დღეს დილით, ხარკოვის ოლქის სალტოვსკის რაიონის დაბომბვის შედეგად სამი ადამიანი დაიღუპა და ერთი დაშავდა, – ამის შესახებ ხარკოვის საოლქო სამხედრო ადმინისტრაციის ხელმძღვანელი, ოლეგ სინეგუბოვი „ტელეგრამში“ იუწყება.
მისივე ინფორმაციით, დაღუპულებს შორის 13 წლის ბავშვია.
„სამწუხაროდ, ხარკოვის ოლქის სალტოვსკის რაიონის ოკუპანტების მიერ დაბომბვის შედეგად 3 ადამიანი, მათ შორის 13 წლის ბიჭი, დაიღუპა. დაშავდა 72 წლის ქალი“, – განაცხადა სინეგუბოვმა.
მისივე თქმით, გადაუდებელი სამედიცინო დახმარების რეგიონულ ცენტრს დაღუპულებისა და დაშავებულების შესახებ საბოლოო მონაცემები ჯერ არ გაუვრცელებია.
