”საინტერესოა, რომ გავრილოვის ღამეზე საუბრობს აშშ-ს ელჩი და ხელისუფლებას აბრალებს, თითქოს ხელისუფლებამ შტურმი მიიტანა პარლამენტზე. სამწუხაროდ, ელჩის ყოველი გამოსვლის შემდეგ ჩვენ ვრწმუნდებით, რომ ჩვენი გადაწყვეტილება, რომ საზოგადოებისთვის სიმართლე გვეთქვა, არის სწორი ”- ამის შესახებ “ქართული ოცნებიდან” გასულმა დეპუტატმა გურამ მაჭარაშვილმა ჟურნალისტებს განუცხადა, რითაც ამერიკის შეერთებული შტატების ელჩის კელი დეგნანის დღევანდელ განცხადებას გამოეხმაურა.
როგორც მაჭარაშვილმა აღნიშნა, დეგნანის განცხადება იმის აღიარებაა, რომ მმართველი გუნდიდან გასული დეპუტატების მიერ წარდგენილი მტკიცებულებები მართალია.
