6 ოქტომბერს, პარლამენტის პლენარულ სხდომაზე, “მინისტრის საათის“ ფორმატში, ეკონომიკისა და მდგრადი განვითარების მინისტრს ლევან დავითაშვილს მოუსმენენ.
დავითაშვილი თავდაპირველად უწყების მიერ გაწეული საქმიანობის ანგარიშით გამოვა, რის შემდეგაც კითხვა-პასუხისა და დებატების პროცედურა გაიმართება.
“მინისტრის საათი“ საპარლამენტო კონტროლის ერთ-ერთი მექანიზმია, რომელიც მთავრობის წევრის მიერ წელიწადში ერთხელ პლენარულ სხდომაზე მისვლას და სამთავრობო პროგრამის შესაბამისი მიმართულების შესრულების შესახებ მოხსენებით გამოსვლას გულისხმობს.
მინისტრის მოხსენების შემდეგ კითხვა-პასუხისა და დებატების პროცედურა იმართება.
