ევროკავშირის წევრი ქვეყნების ელჩები რუსეთთან პირდაპირი ფრენების აღდგენის გამო დემარშის მიზნით საქართველოს ვიცე-პრემიერს, ეკონომიკის მინისტრს ლევან დავითაშვილს შეხვდებიან.
საქართველოში ევროკავშირის წარმომადგენლობის ინფორმაციით, დემარში ხორციელდება ევროკავშირის 27 ქვეყნის სახელით.
შეხვედრა დღეს 17:00 საათზეა ჩანიშნული.
ინფორმაციისთვის, რუსეთის პრეზიდენტის ვლადიმერ პუტინის გადაწყვეტილებით რუსული ავიაკომპანიებისთვის საქართველოში ფრენებზე აკრძალვა მოიხსნა.
