გიორგი გახარიას გუნდმა ევროკავშირის კანდიდატის სტატუსის მისაღებად, რეფორმების და გადასადგმელი ნაბიჯების კონკრეტული გეგმა შეიმუშავა. პარტია ”საქართველოსთვის” გეგმაზე მუშაობის პროცესში ჩართვისკენ მოუწოდებს მმართველ გუნდსა და ოპოზიციურ პარტიებს. გიორგი ხოჯევანიშვილის განცხადებით, გეგმა პირდაპირ პასუხობს ევროკავშირის მოთხოვნებს და მასზე მუშაობა დღესვე ერთობლივად უნდა დაიწყოს.
”ეს არის გეგმა, რომელიც უზრუნველყოფს ქვეყანაში კონსტიტუციური მოწყობის სისტემის აღდგენას, ნებისმიერი შემდეგი არჩევნების თავისუფალ და სამართლიან გარემოში ჩატარებას, ძალაუფლების რეალურ დანაწილებას, ქმედით საპარლამენტო კონტროლს, დამოუკიდებელ მართლმსაჯულებას, რაც, საბოლოო ჯამში – გამორიცხავს ქვეყანაში შემდგომშიც ოლიგარქიულ მმართველობას“, – განაცხადა გიორგი ხოჯევანიშვილმა.
