პოლიტიკა

გენერალური პროკურორის არჩევის წესთან დაკავშირებით, საკონსტიტუციო ცვლილებების განხილვის მიზნით საყოველთაო-სახალხო განხილვების სამუშაო ჯგუფი შეიქმნება

გენერალური პროკურორის არჩევის წესთან დაკავშირებით საკონსტიტუციო ცვლილებების განხილვის მიზნით საყოველთაო-სახალხო განხილვების სამუშაო ჯგუფი შეიქმნება.

კონსტიტუციურ ცვლილებებთან დაკავშირებით საპროცედურო საკითხთა კომიტეტმა დღევანდელ სხდომაზე ხელმოწერების ნამდვილობა დაადასტურა.

ჟურნალისტებთან საუბარში კომიტეტის თავმჯდომარე ირაკლი ქადაგიშვილი ცვლილებების თაობაზე ოპოზიციის შეფასებებს გამოეხმაურა. ქადაგიშვილის თქმით, პარლამენტი რა გადაწყვეტილებასაც იღებს, მხოლოდ პოლიტიკურ ინტერესზე არ იყოს მორგებული.

„ის, თუ როგორ უნდა უზრუნველყო პარლამენტში ჩემი შემდეგი მოხვედრა, სხვა საკითხებთან მიმართებით გადამწყვეტი არ არის. ცოტა უხერხულიც არის, როცა 12 რეკომენდაციის შესრულებას იმას უკავშირებს, პარლამენტში მაღალი ბარიერით მოხვდები თუ დაბალი ბარიერით. ამიტომ, ამ საკითხის წინ წამოწევა არარელევანტურია. ზოგადად, როგორც ბარიერთან დაკავშირებით ვთქვით, თუ ოპოზიცია რევოლუციური და საბოტაჟური სცენარებისკენ მიდრეკილი არ იქნება, მაშინ ჩვენ კომპრომისული გადაწყვეტილებებისკენ წასვლას და ამ საკითხის განხილვას გავაგრძელებთ“, – განაცხადა ქადაგიშვილმა.

საკონსტიტუციო ცვლილებები ითვალისწინებს გენერალური პროკურორის არჩევის წესის ცვლილებას. კერძოდ, 90 ხმით გენერალური პროკურორის არჩევა მოხდება ექვსი წლით, 76 ხმით ერთი წლით.

ასევე ნახეთ

ირაკლი კობახიძე ილჰამ ალიევს შეხვდა

საქართველოს პრემიერ-მინისტრი ირაკლი კობახიძე აზერბაიჯანის რესპუბლიკის პრეზიდენტ ილჰამ ალიევს შეხვდა. პრემიერ-მინისტრის პრესსამსახურის ინფორმაციით, ზაგულბას სასახლეში …

ჩანთების ონლაინ მაღაზია