პოლიტიკა

გია ვოლსკი – არესტოვიჩის განცხადება არის დაძაბულობისა და დაპირისპირების პროვოცირება, რაც ნამდვილად არ დაუმსახურებიათ არც საქართველოს და არც უკრაინას

ალექსეი არესტოვიჩის განცხადება არის პროვოცირება დაძაბულობისა, დაპირისპირებისა, რომელიც ნამდვილად არ დაუმსახურებია არც საქართველოს და არც უკრაინას, – ამის შესახებ საქართველოს პარლამენტის ვიცე-სპიკერმა, გია ვოლსკიმ განაცხადა.

გია ვოლსკიმ კომენტარი გააკეთა უკრაინის პრეზიდენტის ადმინისტრაციის მრჩეველ ალექსეი არესტოვიჩის გაცხადებაზე, რომელმაც აღნიშნა: „ჩვენ მოვახდენთ საქართველოში ძალის პროეცირებას, მოგვიწევს ქართველების, მოლდოვის, სომხეთის გადარჩენა, ჩვენი ნაომარი ბიჭებისა და გოგოებისთვის ყოველთვის მოიძებნება სამუშაო პოსტსაბჭოთა სივრცეში“.

როგორც გია ვოლსკიმ განაცხადა, ეს არის პროვოკაციული და მტრული განცხადება.

„ეს არის მტრული განცხადება და არა მარტო ქართველი ხალხის და საქართველოს სახელმწიფოს მიმართ, არამედ უკრაინის მიმართ. ეს არის განცხადება ადამიანისა, რომელიც არაფრად დაგიდევს რეალობას და არაფრად დაგიდევს იმ ინტერესს, რომელიც უკრაინას წესით უნდა გააჩნდეს საქართველოსთან ურთიერთობაში. პროვოკაციული, უტიფარი განცხადებაა, რომელიც სამწუხაროდ ამ ადამიანს ახასიათებს ბოლო პერიოდში, თორემ იყო პერიოდი, როდესაც არესტოვიჩი რუსულენოვანი მოსახლეობის ინტერესების დასაცავად გამოდიოდა აქტიურად და შიდა სამოქალაქო ომით ემუქრებოდა უკრაინას, თუკი არ იქნებოდა გათვალისწინებული რუსულენოვანი მოსახლეობის ინტერესები. მაშინ ასე სჭირდებოდა და დღეს ამ უტიფარ ადამიანს სხვანაირად სჭირდება, სხვანაირად ლაპარაკობს, ეს არის პროვოცირება დაძაბულობისა, დაპირისპირებისა, რომელიც ნამდვილად არ დაუმსახურებია არც საქართველოს და არც უკრაინას“, – განაცხადა ვოლსკიმ.

ასევე ნახეთ

ევროკავშირის წარმომადგენლობა – მივესალმებით საქართველოს პარლამენტის განცხადებას დეოლიგარქიზაციის შესახებ კანონპროექტის ვენეციის კომისიაში გაგზავნის თაობაზე, რაც პოზიტიური ნაბიჯია

საქართველოში ევროკავშირის წარმომადგენლობა დეოლიგარქიზაციის შესახებ კანონპროექტთან დაკავშირებით კომენტარს აკეთებს. როგორც ევროკავშირის წარმომადგენლობაში აცხადებენ, მიესალმებიან საქართველოს პარლამენტის განცხადებას …