პოლიტიკა

ირაკლი კობახიძემ პირველ ვიცე-პრემიერად ლევან დავითაშვილი, ხოლო ვიცე-პრემიერებად თეა წულუკიანი და ირაკლი ჩიქოვანი დაასახელა

პრემიერმინისტრმა ირაკლი კობახიძემ მთავრობის პირველ სხდომაზე ახალი ვიცეპრემიერები დაასახელა. პირველი ვიცეპრემიერი ეკონომიკის მინისტრი ლევან დავითაშვილი იქნება, ვიცეპრემიერები კი კულტურის მინისტრი თეა წულუკიანი და თავდაცვის მინისტრი ირაკლი ჩიქოვანი. შეგახსენებთ, რომ დავითაშვილი და წულუკიანი ირაკლი ღარიბაშვილის მთავრობაშიც ვიცეპრემიერები იყვნენ.

ირაკლი კობახიძემ მთავრობის სტრატეგიული კომუნიკაციების უფროსად იმედის საინფორმაციო სამსახურის უფროსი, მიხეილ ფეიქრიშვილი დაასახელა.

“წინა წლების განმავლობაში ძალიან ბევრი რამ გაკეთდა თითოეული თქვენგანის მონაწილეობით ჩვენი ქვეყნისთვის, ჩვენი ქვეყნის განვითარებისთვის და ამისთვის კიდევ ერთხელ მინდა, მადლობა გადაგიხადოთ, ასევე, კიდევ ერთხელ მინდა, მადლობა გადავუხადო ბატონ ირაკლი ღარიბაშვილს 3 წლის განმავლობაში მთავრობის მეთაურობისთვის და ძალიან ბევრი რამის გაკეთებისთვის ჩვენი ქვეყნისთვის” – მიმართა პრემიერმა მინისტრებს.

პარლამენტის მიერ მთავრობის განახლებული შემადგენლობა ირაკლი კობახიძის მეთაურობით, 8 თებერვალს დამტკიცდა.

ასევე ნახეთ

მამუკა მდინარაძე – რაც არ უნდა რუსული გვეძახონ, ჩვენ ხომ ვიცით, რომ მართლები ვართ და საკუთარი შვილების ინტერესებს ვწირავთ სხვისი შვილებისთვის

ყველა მხრიდან ჩარევებს ვიცილებთ, განსაკუთრებით ბოლო პერიოდში და ამიტომ ვართ ამაყები ჩვენ მიერ გაკეთებული საქმეებით. …

ჩანთების ონლაინ მაღაზია