რუსეთისთვის სანქციებისგან გვერდის ავლაში დახმარების აღმოჩენა, ეკონომიკური კავშირების გამყარება ჩინეთთან – ეს ყველაფერი ევროპისკენ/ევროკავშირისკენ სწორ სვლას ჰგავს, – ასე ირონიული ნათქვამით გამოეხმაურა ევროპარლამენტარი ვიოლა ფონ კრამონი საქართველოს პრემიერ-მინისტრის, ირაკლი ღარიბაშვილის ვიზიტს ჩინეთში და ამ ორი ქვეყნის სტრატეგიული პარტნიორობის შესახებ გაკეთებულ განცხადებებს.
„მაშინ, როცა ყველა ცდილობს, რომ ჩინეთისგან ეკონომიკურად უფრო დამოუკიდებელი გახდეს, საქართველო კვლავ სხვა მიმართულებით მიდის”, – დაწერა ვიოლა ფონ კრამონმა „ტვიტერზე”.
