„ერთიანი ნაციონალური მოძრაობის“ აჭარის ორგანიზაციის წევრი და ბათუმის ორგანიზაციის თავმჯდომარე გიორგი კირთაძე თანამდებობას ტოვებს.
„მადლობა ჩვენს ყველა მხარდამჭერს, ვინც მონაწილეობა მიიღო შიდა პარტიულ არჩევნებში. განსაკუთრებული მადლობა ბათუმს და სრულიად აჭარას. გულწრფელად ვულოცავ ლევან ხაბეიშვილს და ვუსურვებ წარმატებებს ამ მეტად საპასუხისმგებლო საქმეში.
მე დღეიდან ვტოვებ ბათუმის ორგანიზაციის თავმჯდომარის პოსტს, ვრჩები პარტიაში და ვაგრძელებ ბრძოლას ამ ქვეყანაში პოლიტიკური მართლმსაჯულების დასრულებისთვის, მიხეილ სააკაშვილის თავისუფლებისა და საქართველოს ევროპული მომავლისთვის. ერთიანობით, ყველაფერი გამოგვივა”, – წერს გიორგი კირთაძე სოციალურ ქსელში.
