პოლიტიკა

პარლამენტი დაჩქარებული წესით განიხილავს ინიციატივას, რომლის მიღების შემთხვევაშიც, ფრაქცია “ნაციონალური მოძრაობიდან” გასული დეპუტატები შეძლებენ პოლიტიკური ჯგუფის შექმნას

ბიუროს გადაწყვეტილებით, პარლამენტმა დაჩქარებული წესით უნდა განიხილოს რომან გოცირიძისა და ხატია დეკანოიძის საკანონმდებლო ცვლილებები, რომლის მიღების შემთხვევაში, ფრაქცია “ნაციონალური მოძრაობიდან” წასული დეპუტატები შესძლებენ პოლიტიკური ჯგუფის შექმნას.

ამ ცვლილებების საფუძველზე, პოლიტიკური ჯგუფის ჩამოყალიბების შესაძლებლობა ექნება ასევე “ნაციონალური მოძრაობიდან” ახლად გასულ ოთხ დეპუტატსაც.

კანონროექტი პარლამენტის რეგლამენტს შეეხება. პროექტის მიხედვით, 2024 წლის არჩევნებში არჩეული პარლამენტის უფლებამოსილების ცნობამდე, ერთი პოლიტიკური პარტიის ან საარჩევნო ბლოკის წარდგენით არჩეულ პარლამენტის წევრებს, თუ იმავე პოლიტიკური პარტიის ან საარჩევნო ბლოკის წარდგენით არჩეულ პარლამენტის წევრებს შექმნილი აქვთ ფრაქცია, ექნებათ შესაძლებლობა შექმნან პოლიტიკური ჯგუფი, თუ მათ შესაბამისი პოლიტიკური პარტიის ან საარჩევნო ბლოკში შემავალი პარტიის წევრობა დატოვეს.

ასევე ნახეთ

პარლამენტმა „ამნისტიის შესახებ“ კანონპროექტი პირველი მოსმენით მიიღო

„ქართული ოცნების“ მიერ საკანონმდებლო ინიციატივის წესით წარმოდგენილი საქართველოს კანონის პროექტი „ამნისტიის შესახებ“ პარლამენტმა დღეს 82 …

ჩანთების ონლაინ მაღაზია