პოლიტიკა

პარლამენტში ევროკომისიის რეკომენდაციებზე შეხვედრა მიმდინარეობს

საქართველოს პარლამენტი ევროპული რეკომენდაციების შესასრულებლად აქტიურად მუშაობს. ამ წუთებში საკანონმდებლო ორგანოში ევროკომისიის მეორე და მეოთხე რეკომენდაციაზე შეხვედრა მიმდინარეობს. დისკუსიის საგანია ანტიკორუფციული სააგენტოს შექმნის საკითხი და საარჩევნო ცვლილებები.

შეხვედრას ოპოზიციიდან „მოქალაქეების“, „გირჩის“, პარტია „საქართველოსთვის“ და „ევროპელი სოციალისტების“ წარმომადგენლები ესწრებიან.

პარლამენტის იურიდიულ საკითხთა კომიტეტში ხუთი სამუშაო ჯგუფი შეიქმნება – ამასთან დაკავშირებით  კომიტეტი 4 აგვისტოს სხდომას გამართავს.

იურიდიულ საკითხთა კომიტეტში სამუშაო ჯგუფები შემდეგ საკითხებზე ჩამოყალიბდება : „დეოლიგარქიზაცია“, სასამართლო რეფორმა, „საარჩევნო კოდექსის“ გადასინჯვა, ანტიკორუფციული ღონისძიებები და სპეციალური საგამოძიებო სამსახურისა და პერსონალურ მონაცემთა დაცვის სამსახურის შემდგომი ინსტიტუციური გაძლიერება.

ასევე ნახეთ

ევროკავშირის წარმომადგენლობა – მივესალმებით საქართველოს პარლამენტის განცხადებას დეოლიგარქიზაციის შესახებ კანონპროექტის ვენეციის კომისიაში გაგზავნის თაობაზე, რაც პოზიტიური ნაბიჯია

საქართველოში ევროკავშირის წარმომადგენლობა დეოლიგარქიზაციის შესახებ კანონპროექტთან დაკავშირებით კომენტარს აკეთებს. როგორც ევროკავშირის წარმომადგენლობაში აცხადებენ, მიესალმებიან საქართველოს პარლამენტის განცხადებას …