საქართველოში სამუშაო ვიზიტით სომხეთის რესპუბლიკის პრემიერ-მინისტრი ნიკოლ ფაშინიანი იმყოფება.
საქართველოს ეკონომიკის სამინისტროს ინფორმაციით, სტუმარს ბათუმის საერთაშორისო აეროპორტში ვიცე-პრემიერი, საქართველოს ეკონომიკისა და მდგრადი განვითარების მინისტრი ლევან დავითაშვილი დახვდა.
სომხეთის პრემიერის დახვედრის ცერემონიაში მონაწილეობა მიიღო აჭარის მთავრობის თავმჯდომარემ, თორნიკე რიჟვაძემაც.
ნიკოლ ფაშინიანი დელეგაციასთან ერთად არის ჩამოსული. ვიზიტის ფარგლებში დაგეგმილია საქართველოსა და სომხეთის რესპუბლიკის პრემიერ-მინისტრების შეხვედრები როგორც პირისპირ, ისე გაფართოებულ ფორმატებში.
