თბილისის საკრებულოს სხდომაზე ხმაური იყო. დაპირისპირება მას შემდეგ დაიწყო, რაც ოპოზიციამ ხელისუფლება ე.წ. რუსული კანონის მიღებაში და საპროტესტო აქციებზე ძალის გადამეტებაში დაადანაშაულა.
საპასუხოდ მმართველი გუნდიდან განაცხადეს, რომ ხალხის გულწრფელი პროტესტი ოპოზიციამ პოლიტიკური ინტერესებისთვის გამოიყენა და კიდევ ერთხელ დააფიქსირეს, რომ ქვეყნის მიერ არჩეულ ევროპულ გზას და მომავალს, ვერაფერი შეაფერხებს.
სხდომაზე კიდევ ერთი დაპირისპირება ზვიად კუპრავას განცხადებამ გამოიწვია, რომელიც თბილისში ნაპოვნი გარდაცვლილი მოზარდის ძიებას ეხებოდა.
