პოლიტიკა

ზუგდიდის საკრებულოს სხდომა ჩაიშალა

ზუგდიდის საკრებულოს სხდომა ჩაიშალა. დღევანდელ სხდომაზე ფრაქცია „ქართული ოცნების“ მიერ ინიცირებული საკრებულოს ცხრა პოლიტიკური თანამდებობის პირის იმპიჩმენტის საკითხი უნდა განეხილათ.

სხდომა „ქართული ოცნების“ უხუცეს დეპუტატ კონსტანტინე უბერს უნდა წაეყვანა, თუმცა კვორუმის არარსებობის გამო ჩაიშალა. სხდომაზე მოვიდნენ ფრაქცია „ქართული ოცნების“ წევრები, თუმცა მათ რეგისტრაცია არ გაიარეს, შესაბამისად კვორუმი ვერ შედგა.

სხდომათა დარბაზში ერთმანეთს „ქართული ოცნებისა“ და პარტია „ახალის“ დეპუტატები დაუპირისპირდნენ. დაპირისპირებაში მონაწილეობდა ზუგდიდის მუნიციპალიტეტის მერი მამუკა წოწერიაც. სხდომას ესწრებოდნენ არასამთავრობო ორგანიზაციების წარმომადგენლები, რომლებიც პლაკატებით „უცხოური გავლენის გამჭვირვალობის შესახებ“ კანონს აპროტესტებდნენ.

ცნობისთვის, ზუგდიდის მუნიციპალიტეტის საკრებულოს 45 წევრიდან „ქართული ოცნებას“ 20 წარმომადგენელი ჰყავს, იმპიჩმენტისთვის კი 23 ხმა საჭირო.

ასევე ნახეთ

გიორგი ვაშაძე – სრულ მხარდაჭერას ვუცხადებ გერმანიის ელჩს, პიტერ ფიშერს! მის წინააღმდეგ ბათუმში მომხდარი თავდასხმა არის სამარცხვინო, მიუღებელი და ანტიქართული საქციელი

სრულ მხარდაჭერას ვუცხადებ გერმანიის ელჩს, პიტერ ფიშერს. მის წინააღმდეგ ბათუმში მომხდარი თავდასხმა არის სამარცხვინო, მიუღებელი …

ჩანთების ონლაინ მაღაზია