პოლიტიკა

დააკავეს მშობელი, რომელმაც შვილს ქორწინება აიძულა, შედეგად გოგომ თვითმკვლელობა სცადა

შინაგან საქმეთა სამინისტროს განცხადებით, დმანისში დააკავეს 1980 წელს დაბადებული შ.ა, რომელმაც შვილს ქორწინება აიძულა, შედეგად კი გოგომ თვითმკვლელობა სცადა. 

უწყების ცნობით, გამოძიებით დადგინდა, რომ ბრალდებულმა 2002 წელს დაბადებულ შვილს – ს.ა.-ს, მისი ნების საწინააღმდეგოდ, ქორწინება აიძულა, რის გამოც გოგომ თვითმკვლელობა სცადა. ს.ა.-ს შესაბამისი სამედიცინო დახმარება გაეწია და მის სიცოცხლეს საფრთხე არ ემუქრება.

სამართალდამცველებმა შესაბამისი საგამოძიებო, ასევე, საპროცესო მოქმედებების შედეგად, შ. ა. შეტყობინების მიღების დღესვე, ბრალდებულის სახით დააკავეს.

ოჯახის წევრის ქორწინების იძულებისა და გენდერის ნიშნით თვითმკვლელობის ცდამდე მიყვანის ფაქტზე გამოძიება საქართველოს სისხლის სამართლის კოდექსის 11 პრიმა-150-ე პრიმა მუხლითა და 11 პრიმა 115-ე მუხლის მე-2 ნაწილის „ა“ ქვეპუნქტით მიმდინარეობს. დანაშაული 6 წლამდე ვადით თავისუფლების აღკვეთას ითვალისწინებს.

ასევე ნახეთ

თურქეთის შინაგან საქმეთა მინისტრი აცხადებს, რომ სტამბოლში მომხდარ აფეთქებაში ეჭვმიტანილი დაკავებულია

ეჭვმიტანილი, რომელმაც სტამბოლის ისტიკლალის გამზირზე ბომბი დატოვა და აფეთქება განახორციელა, დაკავებულია, – ამის შესახებ თურქეთის …