პოლიტიკა

მოსამართლის გადაწყვეტილებით, სოსო გოგაშვილთან დაკავშირებით მიმდინარე სასამართლო სხდომა დაიხურა

თბილისის საქალაქო სასამართლო სახელმწიფო უსაფრთხოების სამსახურის უფროსის ყოფილი მოადგილის, სოსო გოგაშვილისთვის აღკვეთის ღონისძიების შეფარდების საკითხზე მსჯელობს.

სხდომის მიმდინარეობისას, პროკურატურის წარმომადგენელმა მოსამართლე არსენ კალატოზიშვილს მიმართა შუამდგომლობით, საქმის განხილვა სრულად დახურულ ფორმატში წარიმართოს. ბრალდების მხარემ განმარტა, რომ ვინაიდან, სხვა ბრალდებებთან ერთად, საქმე პერსონალური მონაცემების უკანონოდ მოპოვებას, შენახვასა და გავრცელებას ეხება, მიზანშეწონილია, სხდომა საწყის ეტაპზევე დაიხუროს.

შუამდგომლობას არ დაეთანხმნენ გოგაშვილის ადვოკატები, რომელთაც თქვეს, რომ აღკვეთის ღონისძიების შეფარდებაზე მსჯელობის ეტაპზე, პროცესის დახურვის შესახებ შუამდგომლობა დაუსაბუთებელია, ვინაიდან სასამართლო არ განიხილავს ისეთ საკითხებს, რომლებიც საიდუმლო მონაცემებსა და სახელმწიფო უსაფრთხოებისთვის საფრთხის შემცველ შინაარსს შეიცავს. ამასთან, ისინი სხდომის ნაწილობრივ დახურვას არ ეწინააღმდეგებოდნენ.

მხარეთა პოზიციების მოსმენის შემდეგ, მოსამართლემ აღნიშნა, რომ საპროცესო საკითხების განხილვის შემდეგ, სხდომა დაიხურებოდა. ამ წუთებში, განხილვა დახურულ ფორმატში გრძელდება.

ასევე ნახეთ

სუს-ი – სახელმწიფო ბიუჯეტიდან 1 333 728 ლარის გაფლანგვის საქმეზე დაკავებულია თავდაცვის მინისტრის ყოფილი მოადგილე, იმავე სამინისტროს შესყიდვების დეპარტამენტის ყოფილი უფროსი და თავდაცვის იმდროინდელი მინისტრის ახლო ნათესავი

საქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლების მიერ ჩატარებული ოპერატიულ-სამძებრო და საგამოძიებო მოქმედებების შედეგად, სასამართლოს …

ჩანთების ონლაინ მაღაზია