პოლიტიკა

საქართველოს სახელმწიფო საზღვრის უკანონოდ გადაკვეთის დაგეგმვა და ასევე, სახელმწიფო საზღვარზე მიგრანტის უკანონოდ გადაყვანა სისხლისსამართლებრივად დასჯადი ხდება

ისეთი დანაშაულის მომზადება, როგორიცაა საქართველოს სახელმწიფო საზღვრის უკანონოდ გადაკვეთა და ასევე, სახელმწიფო საზღვარზე მიგრანტის უკანონოდ გადაყვანა ან მის საქართველოში ყოფნისათვის შესაბამისი პირობების შექმნა, სისხლისსამართლებრივად დასჯადი ხდება.

“სისხლის სამართლის კოდექსში“ ცვლილებების პროექტი, რომელიც შინაგან საქმეთა სამინისტრომ მოამზადა, პარლამენტში უკვე ინიცირებულია.

როგორც უწყება განმარტავს, აღნიშნული დანაშაულების ჩადენის დაწყებით სტადიაზე, ხშირ შემთხვევაში საგამოძიებო ორგანოსთვის ცნობილი ხდება მნიშვნელოვანი ინფორმაცია დანაშაულის ჩადენისთვის პირობების განზრახ შექმნის შესახებ, თუმცა იმის გათვალისწინებით, რომ მოქმედი “სისხლის სამართლის კოდექსი“ აღნიშნული დანაშაულების მომზადების დასჯადობას არ ითვალისწინებს, ასეთ ქმედებებზე რეაგირება და მათ წინააღმდეგ ეფექტიანი ბრძოლა შეუძლებელია.

ამასთან, საზღვრის უკანონოდ კვეთისგან პასუხისმგებლობისგან თავისუფლდებიან პირები, ვინც საერთაშორისო დაცვის სტატუსს ითხოვს. პროექტის გათვალისწინებით, თუ საბოლოო გადაწყვეტილებით განისაზღვრება, რომ უცხოელი ან მოქალაქეობის არმქონე პირი საერთაშორისო დაცვას არ საჭიროებს, ის სისხლისსამართლებრივი პასუხისმგებლობისგან არ გათავისუფლდება.

ასევე ნახეთ

შსს- სახელმწიფო საზღვრის უკანონოდ, ჯგუფურად გადაკვეთის და მიგრანტების უკანონოდ გადაყვანის ფაქტზე 5 პირი დაკავებულია

შინაგან საქმეთა სამინისტროს სასაზღვრო პოლიციის, საპატრულო პოლიციის დეპარტამენტის და ფინანსთა სამინისტროს შემოსავლების სამსახურის საბაჟო დეპარტამენტის …

ჩანთების ონლაინ მაღაზია