მკვლელობა თბილისში – 50 წლამდე ასაკის მამაკაცი ცივი იარაღით მოკლეს. შემთხვევა ვარკეთილის დასახლებაში მოხდა.
მედიაში გავრცელებული ინფორმაციით, კონფლიქტი ნასვამ მდგომარეობაში მყოფ უბნელებს შორის შელაპარაკება ფიზიკურ დაპირისპირებაში გადაიზარდა. დაღუპულს ჭრილობა გულმკერდის არეში ჰქონდა მიყენებული. პოლიციამ ეჭვმიტანილი ცხელ კვალზე დააკავა.
შემთხვევის ადგილზე გვიანობამდე მუშაობდნენ ექსპერტ-კრიმინალისტები. მომხდარზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
