13 წლის მარიტა მეფარიშვილს, რომელიც 13 ოქტომბერს ვაკის პარკის შადრევანში, დენის დარტყმის შედეგად გარდაიცვალა, დღეს დაკრძალავენ.
მოზარდს ვაკის სამების ეკლესიიდან 15:00 საათზე გამოასვენებენ, საიდანაც ოჯახის წევრები, მეგობრები და მოქალაქეები უკანასკნელ გზაზე გააცილებენ.
ვაკის პარკის შადრევანში ბურთის ამოსაღებად ჩასულ სამ არასრულწლოვანს დენმა დაარტყა. ერთ-ერთი მათგანის, მარიტა მეფარიშვილის გადარჩენა ვერ მოხერხდა. მომხდარ ფაქტთან დაკავშირებით, შინაგან საქმეთა სამინისტრომ გამოძიება დაიწყო.
