პოლიტიკა

ბავშვთა დაცვის საერთაშორისო დღესთან დაკავშირებით თბილისში დაგეგმილია საბავშვო-გასართობი ღონისძიებები, დასწრება თავისუფალია

თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ორგანიზებით, ბავშვთა დაცვის საერთაშორისო დღესთან დაკავშირებით, დედაქალაქის მასშტაბით, ტრადიციულად, დაგეგმილია საბავშვო-გასართობი ღონისძიებები.

თბილისის მერიის ინფორმაციით, ცენტრალური ღონისძიება ჩატარდება დედაენის ბაღში, სადაც მთელი დღის განმავლობაში იქნება სივრცითი აქტივობები, სხვადასხვა გასართობი შოუ პროგრამა, საბავშვო სადგურები, თეატრალური წარმოდგენა „ჟოზე“. ღონისძიების დასასრულს, 20:00 საათზე გაიმართება „რანინას“ კონცერტი.

დედაქალაქის მერიის ცნობით, 1 ივნისს, ბავშვთა დაცვის დღე ასევე აღინიშნება თბილისის რამდენიმე რაიონში.

კერძოდ, საბავშვო გასართობი ღონისძიებები გაიმართება შემდეგ მისამართებზე: კრწანისი, გულიას 1-ელი ჩიხი N6-ში არსებული სკვერი – 16:00-20:00 საათი;  მთაწმინდა, 9 აპრილის სახელობის ბაღი – 13:00-16:00 საათი; ვაკე, ციციშვილის სახელობის სკვერი – 14:00-17:00 საათი; ისანი, ვაზისუბნის IV მ/რ, 1-ელი კვარტალი, კორპუსი N4-ის მიმდებარედ არსებული სკვერი – 16:00-19:00 საათი.

დედაენის ბაღში 17:00-21:30 საათებში დაგეგმილი საბავშვო გასართობი პროგრამა ასეთია: საბავშვო ლიტერატურის გამოფენა-გაყიდვა; ახალგაზრდა მეწარმეების ნამუშევრების გამოფენა-გაყიდვა-საბავშვო თემატიკა; ხატვისა და ილუსტრაციის კუთხე; ბროშების დამზადების სადგური; მეზღაპრის კუთხე; თითების თეატრის წარმოდგენები; VR-სივრცე – გასართობი და შემეცნებითი თამაშებით; საპნის ბუშტების შოუ; ქიმიური ექსპერიმენტი და ფერადი ქაფების შოუ; 10-მდე საბავშვო-გასართობი სადგური; საბავშვო ატრაქციონები; მინი-გოლფი; სკეიტ-შოუ; ფოტოზონა-გიფერი; დრამერებისა და ჩასაბერი ინსტრუმენტების ორკესტრის თანხლებით დიდი თოჯინებისა და პერსონაჟების კარნავალი/მსვლელობა; ზღაპრის გმირები; 18:00-19:00 – თოჯინების სპექტაკლი „ჟოზე“; 20:00 – „რანინას“ კონცერტი.

ღონისძიებებზე დასწრება თავისუფალია.

ასევე ნახეთ

გარემოს ეროვნული სააგენტო – დევდორაკის ხეობაში ამ დროისთვის საფრთხის დონე მინიმალურია, წყლის დონე პირვანდელ ნიშნულს დაუბრუნდა, წყალმოვარდნები და ღვარცოფული პროცესები აღარ ფიქსირდება

გარემოს ეროვნული სააგენტოს ინფორმაციით, ამ დროისათვის დევდორაკის ხეობაში საფრთხის დონე მინიმალურია, წყლის დონე პირვანდელ ნიშნულს …

ჩანთების ონლაინ მაღაზია