თბილისის მერიის ინფორმაციით, წერეთლის გამზირზე მიმდინარე სარეაბილიტაციო სამუშაოების პროცესში აღმოაჩინეს მიწისქვეშა ნაგებობები, სპეციალისტების დასკვნით, მე-19 საუკუნის დროინდელი სამარხებია.
მათივე ინფორმაციით, შესწავლის და გადაწყვეტილების მიღების პროცესში ჩართულები არიან საქართველოს კულტურული მემკვიდრეობის დაცვის ეროვნული სააგენტოს წარმომადგენლები და არქეოლოგები.
თბილისის მერიაში ამბობენ, რომ ადგილზე სამუშაოები წარმოებს სწორედ სპეციალისტების ზედამხედველობით, შესაბამისი წესების დაცვით და დამატებით მიმდინარეობს. სხვა ინფორმაციას უახლოეს დღეებში გაავრცელებენ.
