პოლიტიკა
default

ჩინეთში 35 ადამიანი ახალი ვირუსით დაინფიცირდა

ჩინელი მეცნიერები ქვეყნის აღმოსავლეთ ნაწილში, 35 ადამიანის ახალი ვირუსით ინფიცირების შემთხვევებს სწავლობენ, – ამის შესახებ BBC წერს.

ვირუსით, რომელსაც მედია Langya-ს ((LayV) სახელით მოიხსენიებს, ადამიანები შანდუნისა და ჰენანის პროვინციებში დაინფიცირდნენ. ვარაუდობენ, რომ მათ ვირუსი ცხოველებისგან გადაედოთ. ამ დრომდე, არ არსებობს მტკიცებულება, რომ ის ადამიანიდან ადამიანზეც გადადის. „ბევრ ინფიცირებულს ჰქონდა ისეთი სიმპტომები, როგორებიცაა ცხელება, დაღლილობა და ხველა“, – წერს BBC.

ერთ-ერთი მკვლევარი, სამედიცინო ჟურნალში გამოქვეყნებულ სტატიაში ამბობს, რომ „პანიკა საჭირო არაა“, ვინაიდან არცერთი შემთხვევა ფატალური არ ყოფილა.

ამასთან, ის ხაზს უსვამს, რომ ჯერ კიდევ საჭიროა სიფრთხილე, რადგან ბუნებაში არსებული ბევრი ვირუსი იწვევს არაპროგნოზირებად შედეგებს, როდესაც მათით ადამიანები ინფიცირდებიან.

მეცნიერების ვარაუდით, LayV-ვირუსის უმთავრესი მატარებლები ბიგები არიან (მათი ტესტირებისას, 27%-ს დაუდგინდა ვირუსი). მათთან ერთად, გამოიკვლიეს ძაღლები და თხებიც. ვირუსი გამოკვლეული ძაღლების 5%-ს დაუდგინდა, თხების შემთხვევაში კი – 2%-ს

ასევე ნახეთ

ოლივერ ვარჰეი – საქართველოს წინსვლა ევროკავშირის მიმართულებით მოითხოვს დროს და ყველას მხრიდან სერიოზულ ძალისხმევას, ჩვენ მზად ვართ, ამ მიმართულებით ყველა არსებული რესურსის მობილიზაცია მოვახდინოთ

საქართველოს წინსვლა ევროკავშირის მიმართულებით დროს მოითხოვს და ძალიან სერიოზულ ძალისხმევას ყველას მხრიდან. ჩვენ მზად ვართ, …