ცოფი დაუდასტურდა ძაღლს, რომელმაც 22 ადამიანი დაკბინა მარტვილში. ძაღლი მარტვილის მუნიციპალიტეტის მერიამ დაკვირვებისთვის ოზურგეთის თავშესაფარში გადაიყვანა. გავრცელებული ინფორმაციით, ძაღლი გუშინ გარდაიცვალა.
მარტვილის საზოგადოებრივი ჯანდაცვის ცენტრის დირექტორის, როზა ჯანაშიას განცხადებით, დაზარალებულ მოქალაქეებს პრევენციის მიზნით ცოფის საწინააღმდეგო ვაქცინით პირველი აცრა უკვე გაუკეთდათ. თუნცა ამ 22 ადამიანიდან ორი პირი უარს აცხადებს მკურნალობაზე.
