საქართველოს პარლამენტთან სამოქალაქო აქტივისტები და ოპოზიციური პარტიების წარმომადგენლები აქციას მართავენ ლოზუნგით – “დააკავეთ რუსეთის აგენტი ოთარ ფარცხალაძე!“
დღეს, პარლამენტში “მინისტრის საათის” ფორმატში შინაგან საქმეთა მინისტრის ვახტანგ გომელაურის გამოსვლა იგეგმება.
აქციის მონაწილეებს ასევე გაშლილი აქვთ ბანერები წარწერებით „გომელაური რუსული ოცნება FSB-ს ჯაშუში”, სსკ-ის მუხლი 314 ჯაშუშობა ისჯება თავისუფლების აღკვეთით 8-დან 12 წლამდე”.
პარლამენტთან ასევე ბანერებზე გაკრულია ნათია თურნავას, ყოფილი პრემიერ-მინისტრის, ბიძინა ივანიშვილის, მოსამართლეების – ირაკლი შენგელიას და ლევან მურუსიძის ფოტოები.
პარლამენტთან მობილიზებულია პოლიცია. სამართალდამცველები მთლიან პერიმეტრზე არიან განლაგებული.
