პოლიტიკა

დათო ტურაშვილს ისრაელში გულის ოპერაცია ჩაუტრდა

მწერალ დათო ტურაშვილის ისრაელში ოპერაცია ჩაუტარდა. ინფორმაციას მწერლის შვილი, ანაკო ტურაშვილი „ფეისბუკის” პირად გვერდზე წერს, ოპერაციამ კარგად ჩაიარა.

დათოს სამი დღის წინ, ისრაელში, გულზე გაუკეთეს ურთულესი ოპერაცია. ექიმმა, რომელმაც ჩვენდა ბედად, გამონახა დრო დათოს მდგომარეობის შესამოწმებლად, დათო გადაარჩინა. დეტალებს აღარ დავწერ, პირდაპირ გვითხრეს, რომ სულ ცოტა რომ დაგვეგვიანებინა, მის გადარჩენას ვეღარც მოახერხებდნენ და ისედაც გაოგნებულები დასცქეროდნენ დათოს და ეკითხებოდნენ საერთოდ როგორ მოაღწიე ჩვენამდეო.

და ეს ყველაფერი ასე ბედნიერად არ ჩაივლიდა, რომ არა დიმიტრი აბდუშელიშვილი, რომლის წყალობითაც აღმოჩნდა დათო ისრაელის კლინიკაში, იმ საოცარი ხალხის ხელში. ამიტომ დათოს მესამედ დაბადება, სწორედ ამ ადამიანის დამსახურებაა და უდიდესი მადლობა მას ჩვენი ოჯახისგან”, – წერს ანაკო ტურაშვილი.

მწერალი რამდენიმე დღეში აპირებს საქართველოში ჩამოსვლას, თუმცა, როგორც მისი შვილი განმარტავს, წინ მას გრძელვადიანი რეაბილიტაცია ელოდება.

დათო ტურაშვილი 19 მარტს ტელეკომპანია „ფორმულის” პირდაპირ ეთერში გახდა ცუდად, როდესაც ე.წ. უცხოეთის აგენტების შესახებ კანონპროექტზე საუბრობდა.

ასევე ნახეთ

განათლების სამინისტო აცხადებს, რომ სიცრუეა სალომე ზურაბიშვილის მიერ გავრცელებული ინფორმაცია, თითქოს სკოლებში კონკრეტული მიზნებისთვის ხდება ბავშვების მშობლების პირადი მონაცემების შეგროვება

საქართველოს განათლების, მეცნიერებისა და ახალგაზრდობის სამინისტრო აცხადებს, რომ სალომე ზურაბიშვილის მიერ გავრცელებული ინფორმაცია, თითქოს სკოლებში …

ჩანთების ონლაინ მაღაზია