Tbilisi open air-ის სცენა დღეს უკრაინულ ჯგუფს მასპინძლობს.
სვიატოსლავ ვაკარჩუკი უკვე თბილისშია და დღევანდელი საღამოსთვის ემზადება. ქართველი მსმენელი დღეს უკრაინელი ჯგუფისგან ნაცნობ და საყვარელ მუსიკას მოისმენს.
“საქართველო ჩემი ერთერთი უსაყვარლესი ქვეყანაა. მიყვარს თქვენი კულტურა, არქიტექტურა, სტილი, ტანსაცმელი, სამზარეულო, ყველაფერი…” – განაცხადა სვიატოსლავ ვაკარჩუკმა.
ბრიფინგის ბოლოს, უკრაინელი არტისტი მარიუპოლიდან ლტოლვილ ბავშვს ჩაეხუტა და მადლობა გადაუხადა ქართველ ხალხს უკრაინელი ლტოლვილების შეფარებისთვის და გვერდში დგომისთვის.
