საბერძნეთში, კუნძულ ლესბოსზე, ტყეში გაჩენილმა ხანძრებმა დასახლებულ პუნქტებამდე მიაღწია. კუნძულზე ევაკუაცია გამოცხადდა, – ამის შესახებ Euronews-ი წერს.
ხანძრის ორი კერიდან ერთი სოფელი ვრისას მიმართულებით გავრცელდა, მეორე კი სანაპირო კურორტ ვატერასკენ, სადაც, სულ მცირე, ორი სახლია დამწვარი.
„ტერიტორიაზე კვლავ ჩანს კვამლის უზარმაზარი ნაკადი. მას თან ახლავს ძლიერი ქარი, რაც სასწრაფო დახმარების სამსახურებს ხანძრის ჩაქრობას ურთულებს“ – წერს Euronews-ი.
ხანძრის ჩაქრობას, 19 მანქანით, 81 მეხანძრე-მაშველი, 5 სამოქალაქო ჯგუფი, 9 თვითმფრინავი და 1 შვეულმფრენი ცდილობს. ოფიციალური ინფორმაციით, მუშაობის დროს, ერთი მეხანძრე დაშავდა.
