პოლიტიკა

ირაკლი კობახიძე – ეს იყო ტელეკომპანია „ფორმულას“ მიერ მოწყობილი პროვოკაცია, “ფორმულასთან“ აფილირებული რამდენიმე ახალგაზრდის მონაწილეობით, რომლებსაც ყოველგვარი ორიენტაცია აქვთ არეული

„ქართული ოცნების“ თავმჯდომარემ, ირაკლი კობახიძემ , თბილისის სახელმწიფო უნივერსიტეტში მომხდარ ინციდენტზე კომენტარი გააკეთა. მისი თქმით, ეს ტელეკომპანია “ფორმულას”მიერ მოწყობილი პროვოკაციაა და ინციდენტში მონაწილე ახალგაზრდებიც, სწორედ ამ ტელეკომპანიასთან არიან აფილირებულები.

„ეს იყო ტელეკომპანია „ფორმულას“ მიერ მოწყობილი პროვოკაცია. ისინი იყვნენ მოსულები, იღებდნენ ამ ე.წ. ინციდენტს. სინამდვილეში იყო მოსული „ფორმულასთან“ აფილირებული რამდენიმე ახალგაზრდა, რომელსაც ყოველგვარი ორიენტაცია აქვს არეული. ჩვენი მიზანი უნდა იყოს ამ ახალგაზრდების გადარჩენა. მე მგონია, მათი გადარჩენა არის შესაძლებელი, მე დარწმუნებული ვარ, რომ მათი ორიენტაციის სწორ რელსებზე მოქცევა არის შესაძლებელი. ეს ახალგაზრდები პარლამენტის წინ იდგნენ რამდენიმე დღის წინ და პრემიერის მიმართ შეურაცხმყოფელ განცხადებებს აკეთებდნენ. არაფერ შუაში არ არის მისი სტუდენტობა ამ შემთხვევაში. მათი ორიენტაცია ყველანაირად არის არეული. მე მგონია, რომ ეს ადამიანები უნდა მოექცნენ სწორ რელსებზე, საჭიროა, რომ ბიჭებმა ცოლები მოიყვანონ, გოგონები დაქორწინდნენ, გამრავლდნენ და ა.შ. მათი ყველანაირი ორიენტაცია, პოლიტიკურიდან დაწყებული, უნდა გამოსწორდეს, ეს არის ჩვენი ამოცანა. ჩვენ ყველაფერს გავაკეთებთ ამისთვის, ჩვენ ყველაფერს გავაკეთებთ ამ ახალგაზრდების გადასარჩენად”,- განაცხადა კობახიძემ.

ასევე ნახეთ

ევროკომისიამ “ტიკ-ტოკის” წინააღმდეგ ფორმალური გამოძიება დაიწყო, შეისწავლიან პლათფორმაზე არის თუ არა საკმარისი ზომები ბავშვების დასაცავად

ევროკომისიამ სოციალურ ქსელ „ტიკ-ტოკის“ წინააღმდეგ ფორმალური გამოძიება დაიწყო. სააგენტო „როიტერის“ გავრცელებული ინფორმაციით, ევროკომისია „ციფრული მომსახურების …

ჩანთების ონლაინ მაღაზია