SARS-CoV-2-ის კოროვირუსული ინფექციის გავრცელება, რომელიც იწვევს „კოვიდ-19“-ის დაავადებას, სავარაუდოდ, უჰანის ჩინური სამეცნიერო ლაბორატორიიდან ვირუსის ნიმუშის გაჟონვის შედეგი იყო. ამის შესახებ „უოლ სთრით ჯორნალი“ აშშ-ის ენერგეტიკის დეპარტამენტზე დაყრდნობით წერს.
მედიის ცნობით, აშშ-ის სააგენტოს შესწორებული შეფასება ახალ სადაზვერვო მონაცემებს ეფუძნება.
ცოტა ხნის წინ ენერგეტიკის დეპარტამენტმა დაზვერვის საიდუმლო ანგარიში თეთრ სახლსა და კონგრესს გადასცა, რომელიც შეიცავს ახალ დასკვნებს „კოვიდ 19“-ის პანდემიის დაწყების მიზეზებთან დაკავშირებით. ანგარიშის თანახმად, ვირუსმა უჰანის ლაბორატორიიდან ავარიული ინციდენტის შედეგად გაჟონა.
