პოლიტიკა

მიხეილ სააკაშვილი – ჩვენ ძალიან ბევრი გმირი გვყავს და ამიტომ „მონათა აღლუმის“ ჩატარების ყველანაირი მცდელობა არის დამამცირებელი ჩვენი სახელმწიფო მოხელეებისთვის

„მონათა აღლუმის“ ჩატარების ყველანაირი მცდელობა ჩვენი სახელმწიფო მოხელეებისთვის დამამცირებელია – ხომ ხედავთ როგორ შემოდგომის ბუზებივით იკბინებიან? „მონათა აღლუმში“ თქვენი ძალით ჩამოყვანით გამცირებენ თქვენ, თქვენს ოჯახებს, – ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო სხდომაზე დისტანციურად ჩართვისას განაცხადა.

მისივე თქმით, დღეს ყველანი უნდა ვემზადოთ ხელისუფლების ცვლილებისთვის და ამასთან აღნიშნა, რომ „დღეს ჩვენი ამოცანა არის ერთიანობა და შეტევა“.

„ჩვენ ძალიან ბევრი გმირი გვყავს და ამიტომ „მონათა აღლუმის“ ჩატარების ყველანაირი მცდელობა არის დამამცირებელი ჩვენი სახელმწიფო მოხელეებისთვის. მე მინდა ვუთხრა, მაქსიმალურად ყველანი ვემზადოთ ხელისუფლების ცვლილებისთვის, ის არის ერთი ხელის გაწვდენაზე. ხომ ხედავთ როგორ შეიცვალა მსოფლიოში სიტუაცია? ხომ ხედავთ როგორ შემოდგომის ბუზებივით იკბინებიან? „მონათა აღლუმში“ თქვენი ჩართვით და ძალით ჩამოყვანით ისინი გამცირებენ თქვენ, თქვენს ოჯახებს. გამცირებენ იმაშიც, რომ მომავალში ეს იქნება ძალიან სამარცხვინო აქტი, დღესაც სამარცხვინო აქტია. ერთი მხრივ, არის გულანთებული ახალგაზრდობა და მეორე მხრივ, არის ხელისუფლების მიერ მოწყობილი დემონსტრაცია უსიტყვო მორჩილების და მონობის. ამას აკეთებდა ალსან აბაშიძე. მე არასდროს ვაკეთებდი, ასლან აბაშიძე აკეთებდა. ამიტომ ჩვენი ამოცანა არის დღეს ერთიანობა და შეტევა,“ – განაცხადა სააკაშვილმა.

ის ასევე გზის გადაკეტვასთან დაკავშირებით შინაგან საქმეთა სამინისტროს განცხადებას შეეხო და 2009 წლის მოვლენები გაიხსენა.

„2009-ში გაიხსენეთ, თბილისი გადაკეტილი ჰქონდათ კარვებს. არა მხოლოდ ძალა არ გამოგვიყენებია, არამედ მე თვითონ გავედი პრეზიდენტის სასახლიდან, გადავედი სულ სხვა შენობაში, ქალაქის შესასვლელში და დავუთმე მთლიანი ცენტრი მანიფესტანტებს და მომიტინგეებს და არ ყოფილა ის, რომ პოლიცია რომ ამბობს, რომ „გზას არ გადავაკეტინებთ“ და ა.შ. ჩვენ მაშინ დავუთმეთ მათ ყველაფერი. რატომ ამას არ იხსენებენ? არ არის მოსახერხებელი გახსენება?,“ – განაცხადა სააკაშვილმა.

ასევე ნახეთ

აქციის მონაწილეების თქმით, 15-მდე პირი რამდენიმე დემონსტრანტს ფიზიკურად გაუსწორდა

აქციის მონაწილეების განცხადებით, გმირთა მოედანზე გაურკვეველი პირები რამდენიმე დემონსტრანტს თავს დაესხნენ. როგორც ერთ-ერთი აქციის მონაწილე …

ჩანთების ონლაინ მაღაზია