საქართველოს მესამე პრეზიდენტმა, მიხეილ სააკაშვილმა დღეს, კლინიკაში გონება ორჯერ დაკარგა განაცხადა სააკაშვილის დედამ, გიული ალასანიამ. ამ ფაქტს კლინიკა „ვივამედში“ თავად შეესწრო.
„ორჯერ დაკარგა გონება ადამიანმა, დღეს. მერე ბადრაგები შემოვიდნენ, ძლივს, როგორ იქნა ამ სიმაღლე ადამიანი აიყვანეს, დავაწვინეთ. ცოტა ხნის შემდეგ კიდევ განმეორდა და გონება მეორედ დაკარგა. მე იქ ვიყავი, იქეთ მხრიდან ექთანი იდგა, მოვახერხე ის, რომ თავი დავუჭირე იმიტომ, რომ გაიშხლართა, მთლიანად გაშავდა და ასე უგონოდ დიდხანს იყო“, – განაცხადა გიული ალასანიამ.
გიული ალასანია შვილის გონების დაკარგვას მის ორგანიზმში არსებულ მომწამვლელ ნივთიერებებს უკავშირებს.
