შინაგან საქმეთა სამინისტროს განცხადებით, პარლამენტის წინ მიმდინარე აქციაზე სამი პირი დააკავეს.
უწყების ინფორმაციით, სამივე პიროვნება ადმინისტრაციული კოდექსის შესაბამისად არის დაკავებული.
პარლამენტთან უკვე რამდენიმე დღეა აქტივისტები მარტის აქციების დროს დაკავებული ლაზარე გრიგორიადისის მხარდამჭერ აქციას მართავენ. გუშინ პოლიციამ გრიგორიადისის მამა ბექა გრიგორიადისი მაშინ დააკავა, როდესაც ის კარვის გაშლას ცდილობდა. სასამართლომ მას 2 ათას ლარიანი გირაო დააკისრა.
