თურქ ბიზნესმენთა ასოციაცია საქართველოში – გურთიადი, ტრადიციულად აგრძელებს საქველმოქმედო ღონისძიებებს.
საქველმოქმედო ორგანიზაცია “კათარზისთან” თანამშრომლობის ფარგლებში ასოციაცია მონაწილეობას იღებს აქციაში „სადილი ყველას“.
ასოციაციის გადაწყვეტილებით 27 იანვრიდან, 8 დღის განმავლობაში კათარზისი უფასო ცხელი სადილით უმასპინძლებს 450-მდე შეჭირვებულ მოქალაქეს, ხანდაზმულებს და ეგრეთ წოდებულ „ქუჩის ბავშვებს“.
ასოციაცია კიდევ ერთხელ გამოხატავს მხარდაჭერასა და თანადგომას თითოეული შეჭირვებული ადამიანის მიმართ, უსურვებს მათ ჯანმრთელობასა და გამძლეობას.
