საქართველოს პარლამენტის ეროვნულ ბიბლიოთეკასა და „გარდენია შევარდნაძეს“ შორის თანამშრომლობის მემორანდუმი გაფორმდა.
ინფორმაცია ეროვნულმა ბიბლიოთეკამ ავრცელებს.
მათი ინფორმაციით, ეროვნული ბიბლიოთეკის დირექტორი გიორგი კეკელიძე და „გარდენია შევარდნაძის“ მფლობელი ზურაბ შევარდნაძე შეთანხმდნენ, რომ უახლოეს მომავალში ეროვნული ბიბლიოთეკის ქუთაისის ნიკო ნიკოლაძის სახელობის კორპუსის ეზოში „ცისფერყანწელების“ ბაღი მოეწყოს.
„მაისის დიდი შეთანხმებებიდან მეორე – დღეს, გარდენია შევარდნაძემ“ და საქართველოს ეროვნულმა ბიბლიოთეკამ მემორანდუმი გააფორმეს და ქუთაისში, ეროვნული ბიბლიოთეკის ნიკო ნიკოლაძის სახელობის წიგნთსაცავის ეზოში ცისფერყანწელების ბაღს მოვაწყობთ“, – აცხადებს გიორგი კეკელიძე.
