ყველასთვის ნაცნობ ქართველ მსახიობსა და რეჟისორს, ყოფილ დეპუტატსა და მკლავჭიდის ფედერაციის პრეზიდენტს, სოსო ჯაჭვლიანს დღეს დაკრძალავენ.
12 თებერვლიდან მსახიობი ქაშუეთის ტაძარშია დასვენებული, სადაც სამოქალაქო პანაშვიდი ამ დრომდე მიმდინარეობს.
სოსო ჯაჭვლიანს ქაშუეთის ტაძრიდან დღეს გამოასვენებენ და საბურთალოს ე.წ. კერძო სასაფლაოზე დაკრძალავენ.
სოსო ჯაჭვლიანი 65 წლის იყო. ის ბოლო ხანებში მძიმე დაავადებას ებრძოდა.
