პოლიტიკა

ვანდალიზმის მძიმე ფაქტები თბილისში – ვიდეო

დედაქალაქისთვის, სამწუხაროდ, ვანდალიზმის მძიმე ფაქტები არახალია.

თბილისის მერმა ვანდალიზმის მორიგ ფაქტებზე დღეს გამართულ მთავრობის სხდომაზე ისაუბრა.

მისი განცხადებით, თბილისში ახლად რეაბილიტირებულ პარკებსა და სკვერებში ვანდალიზმის ფაქტები ფიქსირდება.

როგორც კალაძემ მუნიციპალიტეტის მთავრობის სხდომაზე განაცხადა, დაზიანებულია ინფრასტრუქტურა, განადგურებული და მოპარულია მცენარეები.

„აზრი ეკარგება ყველაფერს, თუ ჩვენ ამ სიახლეებს, რეაბილიტირებულ პარკებსა და სკვერებს დავაზიანებთ, საპარკო ინფრასტრუქტურას დავამტვრევთ, მცენარეებს მოვიპარავთ და სახლში წავიღებთ. მინდა ვთხოვო საზოგადოებას, გამოიჩინონ გულისხმიერება. მნიშვნელოვანია მხარდაჭერა და თანადგომა, რადგან, ხშირ შემთხვევაში, ამ ყველაფერს აკეთებენ არასრულწლოვნები, ახალგაზრდები, რაც სამწუხაროა.

არის შემთხვევები, როდესაც ხდება კონკრეტული ინფრასტრუქტურის დაზიანება და დიდები ამას გულგრილად უყურებენ. ეს არის ძალიან ცუდი, მეგობრებო! ყველა უნდა გავერთიანდეთ და ყველაფერი გავაკეთოთ, რომ როგორმე შევინარჩუნოთ და მოვუაროთ ამ ყველაფერს. ეს ხომ თქვენი ფულით კეთდება, ჩვენთვის, ჩვენი შვილებისთვის, მომავალი თაობებისთვის კეთდება. მედიას მივაწვდით კადრებს ვანდალიზმის ფაქტებთან დაკავშირებით და ნახოს საზოგადოებამ თუ როგორი დამოკიდებულება აქვს ადამიანებს ინფრასტრუქტურის და რეაბილიტირებული პარკების მიმართ. დარწმუნებული ვარ, ყველანი გავერთიანდებით და შევძლებთ ამ პრობლემის მოგვარებას, შევძლებთ ამ სირთულეების გადალახვას. ჩვენი ძალისხმევა მიმართულია იქითკენ, რომ ჩვენი ულამაზესი ქალაქი კიდევ უფრო ლამაზი და მიმზიდველი გავხადოთ“ – განაცხადა თბილისის მერმა.

 

ასევე ნახეთ

ირაკლი კობახიძე – გლობალური ომის პარტიის სახით, საქმე გვაქვს უაღრესად საშიშ ძალასთან, რომელიც საქართველოში არეულობის შემოსატანად ყველაფერზეა წამსვლელი

პრემიერ-მინისტრ ირაკლი კობახიძის განცხადებას აქვეყნებს. “საზოგადოება აკვირდება გამჭვირვალობის შესახებ კანონის გარშემო განვითარებულ მოვლენებს და ხედავს, …

ჩანთების ონლაინ მაღაზია