გამომცემლობა The Guardian-ის ინფორმაციის თანახმად,ევროკავშირმა დაიწყო ოფიციალური სამართალწარმოება ჩინური ონლაინ სავაჭრო ვებსაიტის TEMU-ს წინააღმდეგ, იმის გამო, რომ საიტზე არ კონტროლდება უკანონო პროდუქციის გაყიდვა. ევროკომისიის მიერ ინიცირებულია გამოძიება ციფრული სერვისების აქტის (DSA) პოტენციური დარღვევის საფუძველზე. TEMU-ს აპლიკაციამ რომელმაც ფუნქციონირება დაიწყო 2023 წელს და არის Amazon-ის დაბალფასიანი კონკურენტი, ძალიან მოკლე დროში მოიპოვა პოპულარობა ევროკავშირში, სადაც მისი პროდუქციის ფართო არჩევანის საფუძველზე ასი მილიონი მომხარებელი ჰყავს.
