Ashmolean-ის მუზეუმში Radiohead-ისთვის შექმნილი ნამუშევრების გამოფენა მოეწყობა

ოქსფორდის Ashmolean მუზეუმში 2025 წლის 8 აგვისტოდან 2026 წლის 11 იანვრამდე   მოეწყობა როკ-ჯგუფ Radiohead-ის მულტიმედია გამოფენა. გამოიფინება პერსონალური ესკიზები, წიგნები და სხვადასხვა ნამუშევარი, რომლებიც აქამდე საზოგადოებას არასდროს უნახავს. გამოფენას, სადაც 120-ზე მეტი ექსპონატი იქნება წარმოდგენილი ჯგუფის სიმღერის “Karma Police”-ის მიხედვით შექმნილი სახელი “This Is What You Get” ჰქვია. ოქსფორდის უნივერსიტეტის ხელოვნებისა და არქეოლოგიის მუზეუმმა Ashmolean-მა განაცხადა, რომ ეს გამოფენა “აჩვენებს ვიზუალურ ხელოვნებასა და მუსიკას შორის არსებული რთული ურთიერთობების ფართო სპექტრს”.