ნატოს საპარლამენტო ასამბლეის თავდაცვისა და უსაფრთხოების კომიტეტისა და სამომავლო უსაფრთხოებისა და თავდაცვის შესაძლებლობების ქვეკომიტეტის დელეგაციის წევრები თბილისში იმყოფებიან. ისინი დღეს საკანონმდებლო ორგანოს თავმჯდომარეს და საქართველოს პარლამენტის თავდაცვისა და უშიშროების კომიტეტის წევრებს შეხვდებიან.
სამ დღიანი ვიზიტის ფარგლებში კომიტეტის წევრები შეხვედრებს გამართავენ თავდაცვისა და საგარეო საქმეთა სამინისტროებში, ასევე დაზვერვისა და სახელმწიფო უსაფრთხოების სამსახურებთან.
საუბარი შეეხება ქვეყნის მთავარ გამოწვევებს, ეროვნული უსაფრთხოების პრიორიტეტებს და ალიანსთან თანამშრომლობის გაღრმავებას.
