არქეოლოგებმა ბელგიაში, 1815 წელს, ვატერლოოს ბრძოლის დროს დაღუპული ჯარისკაცებისა და ცხენების ჩონჩხები აღმოაჩინეს. ამის შესახებ BBC წერს.
გამოცემის ინფორმაციით, ეს „ძალიან იშვიათი“ აღმოჩენაა და გათხრებს გაგრძელებაა საჭირო. გათხრებს გლაზგოს უნივერსიტეტთან არსებული ბრძოლის ველის არქეოლოგიის ცენტრის სპეციალისტები აწარმოებენ.
ვატერლოოს ბრძოლა 1815 წლის 18 ივნისს გაიმართა და ნაპოლეონის ომებს დასასრულს აღნიშნავს. საფრანგეთის არმია ნაპოლეონის მეთაურობით ბრიტანეთისა და პრუსიის ძალებმა დაამარცხეს. ბრძოლის ველზე ათობით ათასი ადამიანი დაიღუპა, თუმცა ამ დრომდე მხოლოდ რამდენიმე მათგანის ნეშტია აღმოჩენილი. მე-19 საუკუნის ქრონიკებს თანახმად, ბრძოლის შემდეგ უამრავი დაღუპულის ძვალი შეაგროვეს, დაფქვეს და ფერმებზე სასუქად იყენებდნენ.
