ხვიჩა კვარაცხელიამ ჩემპიონთა ლიგაზე პირველი გოლი გაიტანა. ჯგუფური ეტაპის მესამე ტურში „ნაპოლი“, სადაც 21 წლის ქართველი ფეხბურთელი თამაშობს, ამსტერდამში სტუმრად „აიაქსს“დაუპირისპირდა.
ნეაპოლის კლუბის ქართველმა ლეგიონერმა თამაში ძირითად შემადგენლობაში დაიწყო, მეტოქის კარი კი 63-ე წუთზე აიღო. კვარაცხელიას ანგარიშზე ასევე საგოლე პასია, „ნაპოლიმ“ კი შეხვედრა ანგარიშით 6-1 მოიგო და 9 ქულით A ჯგუფის ლიდერია.
