დღეს სასტუმრო რედისონში საქართველოს ფეხბურთის ფედერაციის XXXIII საარჩევნო ყრილობა გაიმართა, სადაც სხვადასხვა საკითხები განიხილეს და სფფ-ის პრეზიდენტი აირჩიეს. რეგისტრირებული ერთადერთი კანდიდატი, მოქმედი პრეზიდენტი ლევან კობიაშვილი იყო.
არჩევნებში ხმის მიცემის მქონე 31 დელეგატიდან რეგისტრაცია 28 გაიარა და ყველა მათგანმა მხარი ლევან კობიაშვილს დაუჭირა. კობიაშვილი საქართველოს ფეხბურთის ფედერაციას მესამე ვადით მომდევნო 4 წლის განმავლობაში უხელმძღვანელებს.
დღესვე სფფ-ის აღმასკომის წევრებიც აირჩიეს.
